Рэарганізацыя ваенкаматаў

Рэарганізацыя

ваенкаматаў

Сёлета, напрыканцы жніўня, прайшла рэарганізацыя Ганцавіцкага раённага ваеннага камісарыята шляхам аб’яднання яго з Лунінецкім раённым ваенкаматам. Адбылося гэта ў адпаведнасці з Дырэктывай Міністра абароны Рэспублікі Беларусь. Усяго такім чынам на Брэстчыне рэарганізавана 3 ваенкаматы, а па краіне — каля паўсотні.

Загадам Міністра абароны Рэспублікі Беларусь ваенным камісарам Лунінецкага і Ганцавіцкага раёнаў назначаны Уладзімір Уладзіміравіч Жук.

Ваенны камісарыят знаходзіцца па адрасе: г. Лунінец, вуліца 17 Верасня, 20. У Ганцавічах створана адасобленая група, якую ўзначальвае Андрэй Андрэевіч Блашчанка, і знаходзіцца яна па адрасе былога ваенкамата: г. Ганцавічы, вуліца Ламаносава, 14 (другі паверх).

Істотных змяненняў у рабоце ваенкамата не адбылося. Задачы і абавязкі засталіся ранейшымі. Адасобленая група выконвае тую ж работу, што была і ў ваенкамата, але ў некалькі скарочаным аб’ёме, бо частка функцый адышла ў аб’яднаны ваенны камісарыят. У адасобленай групе займаюцца ваенна-мабілізацыйнай работай — улікам ваеннаабавязаных і падтрымкай мабілізацыйнай гатоўнасці раёна, а таксама мерапрыемствамі па прызыве. Таму прызыўнікам няма неабходнасці ездзіць у Лунінец.

Акрамя гэтага, у задачы адасобленай групы ўваходзіць сацыяльная абарона і пенсіённае забеспячэнне ваеннаслужачых, членаў іх сем’яў, а таксама некаторых асобных катэгорый грамадзян.

Усе хвалюючыя пытанні можна задаць па тэлефонах:

ваенны камісар Лунінецкага і Ганцавіцкага раёнаў, палкоўнік Уладзімір Уладзіміравіч Жук — 8 (01647) 2-12-78;

начальнік адасобленай групы Ганцавіцкага раёна, маёр Андрэй Андрэевіч Блашчанка — 2-11-70.

Уласн. інф.