З АПЕРАТЫЎНЫХ ЗВОДАК ТЫДНЯ: крадзяжы, п’яныя за рулём і амаральныя паводзіны

Украў кашалёк

13 ліпеня ўзбуджана крымінальная справа ў адносінах да грамадзяніна, 1963 года нараджэння, ураджэнца і жыхара вёскі Гута. Сёлета, 11 чэрвеня, ён, знаходзячыся ў стане алкагольнага ап’яненя ў доме 24 па вуліцы Савецкай у вёсцы Гута, з намерам завалодаць чужой маёмасцю адкрыта ўкраў з кішэні пінжака пенсіянера кашалёк, коштам 50 тысяч беларускіх рублёў, у якім знаходзіліся 2 мільёны беларускіх рублёў, пашпарт і пенсіённае пасведчанне на імя пацярпелагапа.

На шлях выпраўлення не стаў…

Таксама 13 ліпеня ўзбуджана крымінальная справа ў адносінах да непрацуючага грамадзяніна Л., 1982 года нараджэння, жыхара і ўраджэнца вёскі Лактышы. Сёлета ён ужо быў прыцягнуты да адміністрацыйнай адказнасці па ч.1 арт. 18.16 Кодэкса аб адміністрацыйных правапарушэннях Рэспублікі Беларусь, па пастанове Ганцавіцкага РАУС ад 4 чэрвеня 2015 года. Аднак адпаведных высноў для сябе мужчына не зрабіў, на шлях выпраўлення не стаў і паўторна, 25 чэрвеня, каля 23 гадзін, будучы ў стане алкагольнага ап’янення і не маючы правоў кіравання, быў затрыманы інспектарам дарожна-патрульнай службы аддзялення ДАІ. Мужчына кіраваў асабістым аўтамабілем маркі “Меrcedes-Benz 300 D”, рэгістрацыйны знак 3360 ЕК1, і рухаўся на ім па праезнай частцы вуліцы Заслонава і вуліцы Чырвонаармейскай у райцэнтры, дзе і быў затрыманы.

Справа за амаральныя паводзіны

16 ліпеня ўзбуджана крымінальная справа ў адносінах да грамадзяніна Ш., 1983 года нараджэння, непрацуючага жыхара горада Ганцавічы. 6 ліпеня каля 21 гадзіны 15 хвілін на пляжы “Паўднёвы” ён, знаходзячыся ў стане алкагольнага ап’янення, наўмысна, з хуліганскіх намераў, груба парушаючы грамадскі парадак і выказваючы відавочную непавагу да грамадства, у прысутнасці іншых грамадзян дэманстраваў свае палавыя органы.

Прапаў веласіпед са стадыёна

У гэты ж дзень, 16 ліпеня, узбуджана крымінальная справа ў адносінах да неўстаноўленай асобы, якая 6 ліпеня ў перыяд з 10 гадзін 30 хвілін да 10 гадзін 45 хвілін з тэрыторыі стадыёна Хатыніцкай СШ украла дарожны веласіпед маркі “Аист” раскладнога тыпу з рамай цёмна-зялёнага колеру, чым нанесла маральны ўрон грамадзяніну М.

Зводку чытаў

Уладзімір САКАЛОЎ.