“Лепшы ветэранскі падворак-2015“

Мэтай конкурсу з’яўляецца прыцягненне ўвагі, як пажылых людзей, так і ўсіх вяскоўцаў па-іншаму паглядзець на свае дамы і сядзібы, стан сваіх двароў і прысядзібных участкаў. З таго, як выглядае кожны падворак, фарміруецца аблічча ўсяго населенага пункта — яго добраўпарадкаванне, санітарны стан, сацыяльная культура быту. Агляд-конкурс мае адкрыты характар і праводзіцца з прысуджэннем прызавых месцаў і ўзнагароджваннем пераможцаў ва ўрачыстай абстаноўцы.

Падвядзенне вынікаў конкурсу адбудзецца ў верасні камісіяй з ліку адказных работнікаў райвыканкама, прадстаўнікоў грамадскіх арганізацый. Конкурс праводзіцца па наступных намінацыях: “Лепшы жывёлавод” (за ўтрыманне жывёлы і птушкі); “У садзе, у агародзе” (за агародніцтва, садаводства); “Ад прыроды — матэрыял, ад майстроў — талент” (за добраўпарадкаванне прысядзібнага ўчастка).

Максімальная ацэнка — 30 балаў. Дадатковымі крытэрыямі пры ацэнцы ўдзельнікаў з’яўляюцца: удзел у выставах, кірмашах; удзел дзяцей і ўнукаў у сумеснай рабоце; захаванне сямейных традыцый і выхаванне дзяцей і ўнукаў; асабісты ўклад у добраўпарадкаванне (удзел у грамадскім жыцці). Максімальная ацэнка — 15 балаў.

ДУ “Ганцавіцкі ТЦСАН” сумесна з пярвічнымі ветэранскімі арганізацыямі, старастамі вёсак у тэрмін да 10 верасня 2015 года прадстаўляе матэрыялы на “Лепшы ветэранскі падворак-2015” у раённую конкурсную камісію, не менш 1 гаспадаркі па кожнай намінацыі. Пераможцамі прызнаюцца 3 ветэранскія падворкі ў кожнай з намінацый, якія атрымалі найбольшую колькасць галасоў членаў конкурснай камісіі і ўзнагароджваюцца граматамі і каштоўнымі падарункамі ва ўрачыстай абстаноўцы.

У склад камісіі ўваходзяць: Віктар Дрозд — старшыня раённага Савета дэпутатаў (старшыня); Наталля Клявец — начальнік упраўлення па працы, занятасці і сацыяльнай абароне райвыканкама; Таццяна Саладуха — дырэктар ДУ “Ганцавіцкі тэрытарыяльны цэнтр сацыяльнага абслугоўвання насельніцтва”; Аляксандр Занька — першы сакратар РК ГА “БРСМ”; Галіна Карніенка — начальнік аддзела арганізацыйна-кадравай работы райвыканкама і Яўгенія Стацько — старшыня раённай арганізацыі Беларускага грамадскага аб’яднання ветэранаў.

Уласн. інф.