Абураючы інцыдэнт

У выніку яны задушылі дзвюх коз. Здарэнне адбылося на вачах цяжарнай жыхаркі Люсіна, якая паспрабавала адагнаць раз’юшаных сабак і абараніць хатнюю жывёлу, але агрэсіўныя чацвераногія “сябры” нават не адрэагавалі на спробы жанчыны. Тады сведка нападзення выклікала міліцыю. Па словах самой жанчыны, яна вельмі спалохалася, калі ўбачыла, з якой злосцю сабакі накінуліся на казу.

Як паведаміў участковы оперупаўнаважаны Вячаслаў Корзун, вінаваты будзе прыцягнуты да адказнасці згодна з Кодэксам аб адміністрацыйных правапарушэннях па артыкуле 15.47 частцы 2, у якім гаворыцца што парушэнне правілаў утрымання сабак   цягне за сабой нанясенне шкоды здароўю людзей або маёмасці (артыкул прадугледжвае пакаранне ў выглядзе накладання штрафу ў памеры ад дзесяці да трыццаці базавых велічынь або адміністрацыйны арышт). Гаспадар сабак сваёй віны не адмаўляе і поўнасцю прызнаў яе. Але, на жаль, той стрэс і страх, якія перажыла цяжарная сведка нападзення, не хутка забудуцца. Зараз па дадзенай справе праводзіцца праверка.

Хочацца заўважыць, што гаспадары сабак павінны разумець ступень адказнасці за іх не толькі ў плане догляду, але і ў пытанні недапушчэння няшчасных выпадкаў у выніку іх агрэсіўных паводзін. А сабакі паляўнічых парод патрабуюць асаблівай увагі, бо ўяўляюць вялікую небяспеку. І, мабыць, застаецца толькі падзякаваць шчасліваму выпадку, што на месцы хатніх жывёл не аказалася чыё-небудзь дзіця.

Калі вы сталі сведкамі бескантрольнага свабоднага выгулу сабак, не заставайцеся абыякавымі. Паведаміце гаспадару, папярэдзьце аб адказнасці за парушэнне правілаў утрымання, або проста патэлефануйце па нумары 102.

Ксенія ЛУЦКО.