Ухілісты прыцягваюцца да адказнасці

Між іншым, за ўхіленне ад прызыву на воінскую службу прадугледжваецца крымінальная адказнасць па частцы 1 артыкула 435 Крымінальнага кодэкса Рэспублікі Беларусь і пакаранне ў выглядзе штрафу ці арышту да 6 месяцаў, або абмежавання волі на тэрмін да 2 гадоў ці пазбаўлення волі на той жа тэрмін.

Сёлета ў Ганцавіцкім і Баранавіцкім раёнах ужо ёсць выпадкі, калі прызыўнікі, жадаючы пазбегнуць прызыву ў армію, прадастаўляюць падробныя даведкі аб навучанні ва ўстановах адукацыі Расійскай Федэрацыі. Мабыць, такія асобы думаюць, што праверка дакладнасці іх даведак зойме шмат часу, але варта адзначыць, што праваахоўныя органы Рэспублікі Беларусь і Расійскай Федэрацыі даўно эфектыўна ўзаемадзейнічаюць і падобная інфармацыя правяраецца на працягу ўсяго 1 — 2 сутак.

Таксама заўважым, што не прыбываючы ў ваенны камісарыят без уважлівай прычыны па павестцы на мерапрыемствы прызыву, прызыўнікі здзяйсняюць злачынства, прадугледжанае часткай 1 артыкула 435 КК Рэспублікі Беларусь, якое не ўяўляе вялікай грамадскай небяспекі. А калі яны перадаюць у аддзяленне прызыву заведама ілжывыя дакументы, якія даюць права на адтэрміноўку ад прызыву, то здзяйсняюць злачынства, прадугледжанае ўжо часткай 2 артыкула 435 КК, якое адносіцца да катэгорыі менш цяжкіх злачынстваў і за здзяйсненне якога можа быць назначана пакаранне ў выглядзе пазбаўлення волі тэрмінам да 5 гадоў.

Зараз у адносінах прызыўнікоў, якія ўхіляліся такім спосабам ад службы, праводзіцца праверка з мэтай узбуджэння крымінальных спраў. Варта задумацца, ці трэба ламаць сабе жыццё, пазбягаючы воінскага абавязку?

Сяргей Чарэднік, старшы пракурор аддзела па наглядзе за выкананнем заканадаўства ў войсках пракуратуры Брэсцкай вобласці.