Узрыванебяспечны прадмет: меры перасцярогі пры яго выяўленні

Як сведчыць статыстыка смярцей у выніку дэтанацыі боепрыпасаў у наш час, дык большая частка “падрываў” адбывалася ў некалькіх сітуацыях: пры спробе разабраць узрыванебяспечны прадмет; пры спробе транспартаваць, перамяшчаць яго; дэтанацыя пад уздзеяннем тэмпературы (калі боепрыпасы траплялі ў касцёр).

Каб пазбегнуць непрыемных выпадкаў, трэба ведаць і выконваць агульныя правілы бяспекі. Нельга чапаць незнаёмыя прадметы — нягледзячы на час, механічныя ўзрывальнікі маглі захавацца — некаторыя дэталі боепрыпасаў зроблены з матэрыялаў, якія не падвяргаюцца карозіі (латунь, нержавеючая сталь). Нават часткі, асколкі боепрыпасаў могуць уяўляць небяспеку для жыцця чалавека.

Памятайце, міна не заўсёды падобная на міну, а граната на гранату, большая частка небяспечных прадметаў здаюцца бясшкоднымі.

Старая гарэлачная або піўная бутэлька з вадкасцю — з вялікай верагоднасцю здольны аказацца “шкляной гранатай” — бутэлькай з самазагаральнай на паветры гаручай сумессю, тэмпература гарэння якой каля 1000 градусаў. Забараняецца кідаць незнаёмыя прадметы ў касцёр. Адпачываючы на ўлонні прыроды, уважліва правярайце месца, на якім збіраецеся развесці касцёр, на глыбіні 5 сантыметраў у зямлі можа знаходзіцца ўсё што заўгодна.

Што неабходна рабіць пры выяўленні прадмета, які падобны на ўзрыванебяспечны?

Першае і асноўнае правіла: тэрмінова спыніць усе работы. Ні ў якім выпадку не чапаць знойдзены прадмет. Папярэдзіць акружаючых аб рэальна існуючай небяспецы, а таксама папярэдзіць свайго ўчастковага інспектара міліцыі або дзяжурнага па раённым аддзеле міліцыі па тэлефоне 102, дзяжурнага па РАНС па тэлефоне 101 і абавязкова дзяжурнага па райваенкамаце па тэлефоне 2-11-70.

Памятайце: элементарныя меры перасцярогі дапамогуць выратаваць здароўе і жыццё вам і вашым блізкім.

Валерый КАСЯНЮК, ваенны камісар Ганцавіцкага раённага ваеннага камісарыята, падпалкоўнік.