Сезон працягваецца

У вясеннім сезоне 2015 года паляванне ў адкрытых угоддзях установы “Ганцавіцкая РАС РДГА “БТПР” у перыяд з 13 красавіка па 10 мая 2015 года праводзіцца на самцоў (качараў) крыжанкі, чэрнеці чырвонагаловай, чэрнеці чубатай, чыркоў-траскункоў, чыркоў-свістункоў, толькі падсеўшых або падляцеўшых да падсадной качкі (качак) або чучала (чучалаў).

Паляванне праводзіцца ў светлы час сутак, акрамя перыяду з 11 да 18 гадзін. Дазволены спосаб палявання: ружэйны з засады толькі са схованкі з падманваннем з дапамогай падсадной качкі (качак) і (або) чучала (чучалаў) і манка (манкоў).

Праводзіцца паляванне на самцоў вальдшнэпа з 4 красавіка па 10 мая 2015 года з 18 да 22 гадзін ружэйным спосабам з засады (на цязе).

Паляваць можна па сезонных пуцёўках па суботах, нядзелях, панядзелках, аўторках, у дзяржаўныя святы, святочныя дні, аб’яўленыя Прэзідэнтам Рэспублікі Беларусь нерабочымі, а таксама на самцоў вальдшнэпа ў пятніцу з 18 да 22 гадзін.

Для пошуку і падачы здабытай дзічыны дапускаецца выкарыстанне паляўнічых сабак: тэр’еры, таксы, выжлы, спаніэлі, рэтрыверы, водныя сабакі.

х х х

У адпаведнасці з Правіламі вядзення паляўнічай гаспадаркі і палявання ў адкрытых для палявання ўгоддзях Ганцавіцкай арганізацыйнай структуры “БТПР” у перыяд з 1 красавіка па 30 верасня 2015 года на працягу сутак дазволена паляванне на дзіка ружэйным спосабам з засады, з падыходу.

У адпаведнасці з Часовым палажэннем аб асаблівым рэжыме адабрання, пахавання і (або) знішчэння рэсурсаў дзіка на тэрыторыі Рэспублікі Беларусь, дазволена паляванне на дзіка загонам без выкарыстання паляўнічых сабак у светлы час сутак ва ўсе дні тыдня з абавязковым папярэднім паведамленнем інспекцыі аховы жывёльнага і расліннага свету пры Прэзідэнце Рэспублікі Беларусь і грамадскасці.

Нагадваем, што за кожнага здабытага дзіка паляўнічаму прадастаўляецца кампенсацыйная выплата ў памеры 2-х базавых велічынь. Падставай для выплаты такога грашовага ўзнагароджання з’яўляецца закрыты ва ўстаноўленым парадку дазвол на здабычу паляўнічай жывёлы з адзнакай прадстаўніка ветэрынарнай службы аб пахаванні і (або) знішчэнні тушы здабытай жывёлы.

Эдуард ШУЛЯК, дырэктар установы “Ганцавіцкая РАС РДГА “БТПР”.