Калядны пост

Загавенне — гэта дзень, калі яшчэ дазваляецца есці мясную і малочную ежу, — прыпадае на дзень памяці святога Піліпа — 27 лістапада, таму пост называюць яшчэ Піліпавым ці проста Піліпаўкай.

Устанаўленне Каляднага посту, як і многіх іншых пастоў, адносіцца да першых часоў хрысціянства. Ужо ў V — VI стагоддзях яго згадваюць многія царкоўныя заходнія пісьменнікі.

На працягу Каляднага посту не ядуць мяса, сметанковага масла, малака, сыру, яек; у панядзелак, сераду і пятніцу — ежа без масла; рыба, віно і алей забараняюцца. У астатнія дні (аўторак, чацвер, субота і нядзеля) — ежа з алеем. Рыба ў час Каляднага посту дазваляецца ў суботнія і нядзельныя дні, а таксама ў вялікія святы (напрыклад, Увядзенне ў храм Прасвятой Багародзіцы — 4 снежня), у храмавыя святы (дзень памяці святога, у гонар каго названы храм) і ў дні вялікіх святых (напрыклад, свяціцеля Мікалая Цудатворца — 19 снежня), калі гэтыя дні прыпадаюць на аўторак або чацвер. Калі ж святы прыпадаюць на сераду або пятніцу, дазваляюцца толькі алей і віно у мерах, указаных у царкоўным статуце).

З 2 па 6 студзеня, у дні перад Калядамі пост узмацняецца: рыба не благаслаўляецца нават у суботу і нядзелю. Вядома, для пажылых і хворых людзей, цяжарных жанчын і кормячых маці правілы посту паслабляюцца.

Трэба памятаць, што пост — гэта толькі сродак для ўціхамірвання свайго цела, у справе ачышчэння душы ад грахоў, шлях да выратавання. Без малітвы і пакаяння пост становіцца ўсяго толькі дыетай. Так вучыць Царква ў адным з богаслужэбных тэкстаў: “Воздерживаясь от еды, а от страстей не очищаясь, напрасно радуешься, душа моя, своему неядению, потому что в этом случае уподобляешься злым демонам, которые вообще никогда не едят…”.

Падрыхтавала Марыя ПАЎЛАВА.