Вынікі раённага агляду-конкурсу па азеляненні і добраўпарадкаванні сярод уладальнікаў прыватных домаўладанняў

Прыгажосць выратуе свет — гэтае даўняе, але не старэючае выказванне згадваецца, калі прыкмячаеш у тым ці іншым населеным пункце парадак і чысціню: на вуліцах, вакол дамоў і вытворчых аб’ектаў. Прыгажосць і парадак маюць асаблівую духоўную каштоўнасць, валодаюць вялікай выхаваўчай сілай і з’яўляюцца адлюстраваннем унутранай чысціні тых, хто іх стварае. А такіх, як паказаў раённы агляд-конкурс па азеляненні і добраўпарадкаванні прыватных домаўладанняў, які праводзіўся на Ганцаўшчыне і вынікі якога традыцыйна падводзяцца напярэдадні  вялікага дзяржаўнага свята Дня Незалежнасці Рэспублікі Беларусь, — нямала. І колькасць іх расце. Гэта радуе, бо дзякуючы менавіта такім ініцыятыўным людзям, сапраўдным гаспадарам і патрыётам роднага краю, прыгажэюць з году ў год нашы вёскі і раённы цэнтр.

Дык хто ж яны, пераможцы сёлетняга раённага агляду-конкурсу? Кампетэнтная камісія на чале са старшынёй раённага Савета дэпутатаў Віктарам Драздом правяла скрупулёзнае абследаванне тэрыторый вакол шматкватэрных дамоў, прыватных сядзіб у райцэнтры і ў сельскіх населеных пунктах, падвяла яго вынікі і на ўрачыстым свяце, прысвечаным Дню Незалежнасці Рэспублікі Беларусь, прагучалі іх прозвішчы, пераможцам  былі ўручаны каштоўныя падарункі.

Пераможцамі раённага агляду-конкурсу па азеляненні і добраўпарадкаванні сярод уладальнікаў прыватных домаўладанняў сталі:

Сяргей Сяргеевіч Бобка (г. Ганцавічы, вул. Сасновая, д. 34);

Дзям’ян Піліпавіч Занька (аграгарадок Люсіна, вул. Я. Коласа, д. 47);

Васіль Рыгоравіч Занька (аграгарадок Люсіна, вул. Сасновая, д. 27);

Віктар Міхайлавіч Савеня (в. Будча, вул. А. П. Гіля, д. 55);

Валянціна Іванаўна Сергіеня (в. Будча, вул. Я. Коласа, д. 84а);

Уладзімір Іванавіч Мініч (аграгарадок Агарэвічы, вул. Камсамольская, 10);

Іван Іванавіч Віктаровіч (в. В. Круговічы, вул. Гагарына, д. 42);

Аляксандр Пятровіч Сайка (аграгарадок Малькавічы, вул. Чырвонаармейская, д. 15);

Людміла Міхайлаўна Яршова (в. Дзяніскавічы, вул. Леніна, д. 91, кв. 3);

Сяргей Мікалаевіч Берташ (г. Ганцавічы, вул. Будаўнікоў, д. 15, кв. 3).

Пераможцамі раённага агляду-конкурсу па азеляненні і добраўпарадкаванні шматкватэрных жылых дамоў сталі:

Лілія Антонаўна Юрэтка (г. Ганцавічы, вул. Чайкоўскага, д. 8, кв. 23);

Раіса Іванаўна Прышчэпа (г. Ганцавічы, вул. Чайкоўскага, д. 10, кв. 13).

Ім уручаны  сертыфікаты на рамонт пад’ездаў жылых дамоў № 8 і № 10 па вул. Чайкоўскага, які будзе зроблены за кошт КУШВП ЖКГ “Ганцавіцкая РЖКГ” у летні перыяд гэтага года.