Парушэнні ў жыллёва-камунальнай гаспадарцы

Праверка, праведзеная Камітэтам дзяржкантролю Брэсцкай вобласці жыллёва-камунальнай гаспадаркі Жабінкаўскага раёна, выявіла шматлікія парушэнні заканадаўства, а таксама факты неэфектыўнага выкарыстання грашовых сродкаў і маёмасці прадпрыемства.

Падчас праверкі ўстаноўлены выпадкі завышэння сабекошту аказаных паслуг. Напрыклад, у выніку прымянення завышаных норм спісання паліва, на сабекошт жыллёва-камунальных паслуг залішне аднесены расходы прадпрыемства ў суме 14,6 мільёна рублёў. Акрамя гэтага, на сабекошт жыллёва-камунальных паслуг аднесена звыш 20 мільёнаў рублёў, затрачаных на рамонт службовага аўтамабіля, які пашкоджаны ў дарожна-транспартным здарэнні па віне дырэктара прадпрыемства.

На час праверкі больш двух гадоў не выкарыстоўваўся ўведзены ў эксплуатацыю ў снежні 2011 года палігон цвёрдых бытавых адходаў коштам амаль 1 мільярд рублёў. Прычым, устаноўлена, што згаданы палігон прыняты ў эксплуатацыю з парушэннем заканадаўства — без выканання ўсяго аб’ёму будаўніча-мантажных работ, прадугледжанага праектнай дакументацыяй.

Прадпрыемствам неэфектыўна выкарыстаны бюджэтныя сродкі на суму 878,1 мільёна рублёў, накіраваныя ў 2012 — 2013 гадах на распрацоўку праектна-каштарыстай дакументацыі на будаўніцтва і капітальны рамонт 4 аб’ектаў. Работы на іх па стане на 1 красавіка нават не пачыналіся.

Маюць месца факты завышэння кошту і аб’ёмаў выкананых будаўніча-мантажных работ і па аб’ектах будаўніцтва, капітальнага і бягучага рамонтаў жыллёвага фонду. Па ўсіх

правераных аб’ектах устаноўлены завышэнні на агульную суму 34,5 мільёна рублёў.

Не прымаліся  ЖКГ Жабінкаўскага раёна і дастатковыя меры па збору і здачы другасных матэрыяльных рэсурсаў. Пры гэтым абследаванні паказалі, што на палігонах прадпрыемства дапускаецца размяшчэнне другасных рэсурсаў.

Таксама праверкай устаноўлены шматлікія парушэнні ў рабоце са зваротамі грамадзян, факты падачы ў органы дзяржаўнай статыстыкі і іншыя дзяржаўныя органы скажонай інфармацыі, парушэнні ўстаноўленага парадку правядзення закупу, парушэнні прыродаахоўнага заканадаўства.

Матэрыялы праверкі накіраваны ў праваахоўныя органы для прававой адзнакі дзеянняў службовых асоб жыллёва-камунальнай гаспадаркі Жабінкаўскага раёна.