Плённая праца вучняў і настаўнікаў

У мінулую суботу, 8 лютага, у Камянцы прайшла абласная канферэнцыя (конкурс даследчых работ) вучняў “З навукай у будучыню”, на якой было прадстаўлена 11 работ школьнікаў нашага раёна. І вельмі прыемна адзначыць, што ўсе яны не засталіся па-за ўвагай журы.

Так, дыпломам 1-й ступені адзначаны вучань СШ № 3 г. Ганцавічы Яўген Занька за работу “Кіслотна-шчолачны баланс воднага асяроддзя Ганцаўшчыны” (кіраўнік Ганна Няхаева). Таксама дыплом 1-й ступені атрымалі Аляксей Махцей і Дзмітрый Ясюкевіч за работу “Яго Вялікасць Малако” (кіраўнік Наталля Кіянец). Лізавета Бурчыц узнагароджана дыпломам 2-й ступені за работу “Ногці — як люстэрка здароўя чалавека” (кіраўнік Алена Рабцэвіч). Таксама дыплом 2-й ступені і ва Уладзіміра Кандрацені за работу “Легенда аб “шведскім” бродзе: праўда ці вымысел?” (кіраўнік Наталля Паплаўская).

Вучні гарадской гімназіі Павел Сарокаў і Павел Васілевіч адзначаны дыпломам 2-й ступені за работу “Прымяненне соку алоэ як экалагічна чыстага паскаральніка прарастання насення, укаранення чаранкоў і росту раслін” (кіраўнік Тамара Цюкіна).

Дыпломам 3-й ступені ўзнагароджана работа Анастасіі Грэчнай “Два святы кахання” (кіраўнік Святлана Собаль).

Вучаніца Востраўскага ясляў-сада — СШ імя Міхася Рудкоўскага Дар’я Халецкая атрымала дыплом 2-й ступені за работу “Вобразы птушак у беларускіх народных прыказках і прымаўках” (кіраўнік Валянціна Хваль), як, дарэчы, і вучаніца Любашаўскай БШ Анастасія Сіліцкая за работу “Страчаная спадчына” (кіраўнікі Алег Новік і Таццяна Савеня).

І нарэшце, дыпломам 3-й ступені адзначаны Павел Канановіч і Яўген Кісялевіч з Раздзялавіцкай СШ за работу “Вывучэнне ролі рыжых лясных мурашоў у біялагічнай ахове экасістэмы” (кіраўнік Ганна Гардзей).

Акрамя таго, пахвальным водзывам адзначаны работы Святланы Гардзей з СШ № 1 г. Ганцавічы “Цудоўныя кропкі многавугольніка і геаметрычныя фігуры” (кіраўнік Любоў Шуляк), а таксама Марка Лагвіновіча з Люсінскага дзіцячага сада — СШ “Доўгі шлях да доўгай арыфметыкі” (кіраўнік Аляксандр Занька).

Віншуем з заслужанымі ўзнагародамі!

Ала КІСЯЛЕВІЧ, метадыст вучэбна-метадычнага кабінета пры аддзеле адукацыі, спорту і турызму райвыканкама.