Камерцыйнае жыллё ў карыстанне

Аддзелам жыллёва-камунальнай гаспадаркі райвыканкама прапануецца для здачы па дагаворы найму жылое памяшканне камерцыйнага выкарыстання дзяржаўнага жыллёвага фонду, якое знаходзіцца ў гаспадарчым распараджэнні УАЗ “Ганцавіцкая ЦРБ” па адрасе: вёска Чудзін, вуліца Чапаева, дом 2, кватэра 1, агульнай плошчай жылога памяшкання 52 квадратныя метры. Кватэра не добраўпарадкавана.

У адпаведнасці з Указам Прэзідэнта Рэспублікі Беларусь ад 8 лістапада 2011 года № 512 “Аб некаторых пытаннях выкарыстання дзяржаўнага жылога фонду”, жылыя памяшканні камерцыйнага выкарыстання не падлягаюць прыватызацыі, абмену, падзелу, продажу, здачы па дагаворы паднайму. Права на атрыманне такога жылля маюць як грамадзяне, якія стаяць на ўліку маючых патрэбу ў паляпшэнні жыллёвых умоў,  так і тыя, хто не стаіць на гэтым уліку. Але пераважнае права на атрыманне камерцыйнага жылля маюць першыя.

Пры адсутнасці заяў грамадзян, якія стаяць на ўліку маючых патрэбу ў паляпшэнні жыллёвых умоў, жылыя памяшканні камерцыйнага выкарыстання прадастаўляюцца грамадзянам у парадку паступлення заяў.

Да заявы прыкладаюцца наступныя дакументы:

— пашпарт ці іншы дакумент, які засведчвае асобу ўсіх паўналетніх грамадзян, пасведчанні аб нараджэнні непаўналетніх дзяцей, якія стаяць на ўліку маючых патрэбу ў паляпшэнні жыллёвых умоў;

— дакументы, якія пацвярджаюць права на пазачарговае ці першачарговае прадастаўленне жылога памяшкання ў выпадку, калі такое права ёсць.

Дагавор найму заключаецца на тэрмін, які не перавышае 5 гадоў, і падлягае абавязковай рэгістрацыі арганізацыямі, якія даюць жыллё ў карыстанне, у аддзеле жыллёва-камунальнай гаспадаркі райвыканкама.

Па ўсе даведкі па пытаннях прадастаўлення, аплаты і распараджэння жылымі памяшканнямі камерцыйнага выкарыстання просьба звяртацца ў аддзел жыллёва-камунальнай гаспадаркі па адрасе: г. Ганцавічы, вуліца Кастрычніцкая, 3-а, або па тэлефонах: 2-10-83, 2-28-30.

Валерый РУСАКЕВІЧ,

начальнік аддзела

 жыллёва-камунальнай гаспадаркі

 райвыканкама.