Камерцыйнае жыллё

Аддзел жыллёва-камунальнай гаспадаркі райвыканкама паведамляе, што для грамадзян, якія маюць патрэбу ў паляпшэнні жыллёвых умоў і стаяць на адпаведным уліку, прапануюцца за плату ў часовае ўладанне дзве кватэры камерцыйнага выкарыстання ў горадзе Ганцавічы па адрасах: вуліца Заслонава, дом 5, кватэра 2 і вуліца Каліноўскага, дом 34, кватэра 1. Згаданыя жылыя памяшканні маюць пячное ацяпленне.

Адпаведна дзеючаму заканадаўству, плата за карыстанне камерцыйным жылым памяшканнем устаноўлена ў памеры 0,2 базавай велічыні за адзін квадратны метр агульнай плошчы з прымяненнем каэфіцыента ў залежнасці ад ступені добраўпарадкавання і месца знаходжання жылых памяшканняў. Для нашага горада такі каэфіцыент складае 0,3. Памер каэфіцыента для жылых памяшканняў, у якіх адсутнічае цэнтральнае ацяпленне, гарачае, халоднае водазабеспячэнне, каналізацыя і газазабеспячэнне, змяншаецца на 10 працэнтаў за кожны від інжынернай сістэмы, што адсутнічае.

Такім чынам, у вышэйзгаданых кватэрах кошт арэнды за адзін квадратны метр агульнай плошчы будзе складаць 7800 рублёў.

Дагавор найму жылога памяшкання камерцыйнага выкарыстання заключаецца тэрмінам да 5 гадоў.

Заявы аб прадастаўленні жылых памяшканняў камерцыйнага выкарыстання жадаючыя могуць накіроўваць у аддзел жыллёва-камунальнай гаспадаркі райвыканкама па адрасе: г. Ганцавічы, вуліца Кастрычніцкая, 3-а. Тэлефоны для даведак: 2-10-83 і 2-28-30.

Пры гэтым пераважнае права на атрыманне жылых памяшканняў камерцыйнага выкарыстання маюць грамадзяне, якія стаяць на ўліку маючых патрэбу ў паляпшэнні жыллёвых умоў.

Валерый РУСАКЕВІЧ,

начальнік аддзела жыллёва-

камунальнай

гаспадаркі

райвыканкама.