Прававы форум

Не так даўно, з 31 ліпеня 2013 года, сваю работу пачаў сайт “Прававы форум Беларусі” ( forumpravo.by ) — новы інфармацыйны рэсурс у галіне права і прававой інфарматызацыі.

Гэты праект уяўляе сабой інтэрактыўную пляцоўку для зносін, абмену вопытам і меркаваннямі па пытаннях, звязаных з правам, правапрымяняльнай практыкай, растлумачэннем заканадаўства.

Фарміраванне сайта, яго вядзенне і забеспячэнне функцыянавання ажыццяўляе Нацыянальны цэнтр прававой інфармацыі Рэспублікі Беларусь.

Рэсурсы сайта арганізаваны ў выглядзе інфармацыйных раздзелаў і форумаў па рознай тэматычнай накіраванасці. Так, у раздзеле “Заканадаўства” прадастаўлены свабодны доступ да тэкстаў кодэксаў Рэспублікі Беларусь з дапамогай інфармацыйна-пошукавай сістэмы “ЭТАЛОН-ONLINE”. А раздзел “Абмеркаванне праектаў НПА” дае магчымасць выказаць сваё меркаванне адносна распрацоўваемых праектаў нарматыўных прававых актаў як на дадзеным інфармацыйным рэсурсе, так і на сайтах адпаведных дзяржаўных органаў. “Даведачная інфармацыя” ўтрымлівае неабходную тэарэтычную інфармацыю аб галінах права. “Форумы” даюць магчымасць задаць любое цікавячае пытанне па прававой тэматыцы з мэтай атрымаць на яго адказ ад адпаведных спецыялістаў або іншых карыстальнікаў сайта. Аднак варта адзначыць, што на інфармацыю, якая размешчана на сайце, не распаўсюджваюцца патрабаванні Закона Рэспублікі Беларусь ад 18 ліпеня 2011 года “Аб зваротах грамадзян і юрыдычных асоб”.

Удзельнічаць у абмеркаваннях на форумах сайта можа любы жадаючы пасля праходжання рэгістрацыі. Пры гэтым усе карыстальнікі дзеляцца на дзве групы: “пастаянныя карыстальнікі” і “юрысты”. Дарэчы, у “юрыстаў” ёсць дадатковае права — публікаваць артыкулы па прававой тэматыцы. Да таго ж карыстальнікам аўтаматычна прысвойваецца ранг (статус), які ў далейшым можа павышацца згодна з Правіламі карыстання сайтам. У мэтах выяўлення найбольш кваліфікаваных, папулярных і запатрабаваных карыстальнікаў на сайце ўведзены рэйтынг. Ацэньваць іншага карыстальніка, яго адказы, артыкулы і каментарыі могуць толькі зарэгістраваныя наведвальнікі сайта.