“Прамая лінія” і прыём грамадзян

30 верасня 2013 года з 11 да 12 гадзін 30 мінут адбудзецца “прамая тэлефонная лінія” намесніка старшыні Камітэта дзяржаўнага кантролю Брэсцкай вобласці Вячаслава Мікалаевіча Бычкоўскага з жыхарамі Ганцавіцкага раёна.

Звярнуцца на “прамую тэлефонную лінію” і задаць цікавячыя пытанні можна па тэлефоне 2-30-08.

У гэты ж дзень у будынку Ганцавіцкага райвыканкама, у кабінеце №120, з 12.30 да 14.00 Вячаславам Мікалаевічам будзе праводзіцца асабісты прыём грамадзян.

Папярэдні запіс на прыём ажыццяўляецца па тэлефонах: 2-42-68, 2-12-91, ці ў кабінеце 114 райвыканкама.

У апошні час кантрольнае ведамства мэтанакіравана і актыўна займаецца прэвентыўным кантролем і прафілактыкай, імкнецца не проста выяўляць і спыняць эканамічныя парушэнні, а прадухіляць іх. Гэтай мэце падпарадкаваны шматлікія публічныя мерапрыемствы з удзелам спецыялістаў КДК, выпуск ведамаснага часопіса, традыцыйныя “прамыя тэлефонныя лініі” і выязныя прыёмы грамадзян. На такіх сустрэчах звычайна закранаюцца самыя розныя тэмы — ад прыватных праблем, якія хвалююць грамадзян, да макраэканомікі, глабальных нацыянальных праграм і інвестыцыйных праектаў.

У час чарговай “прамой тэлефоннай лініі” грамадзяне маюць магчымасць паведаміць намесніку старшыні Камітэта дзяржаўнага кантролю Брэсцкай вобласці аб фактах парушэння заканадаўства і выпадках безгаспадарлівасці, абмеркаваць работу адказных асоб мясцовай вертыкалі ўлады, кантралюючых і наглядных органаў. Спецыялісты КДК уважліва вывучаць кожны зварот. Выкладзеныя факты будуць разгледжаны і атрымаюць аб’ектыўную ацэнку, а канструктыўныя прапановы грамадзян знойдуць прымяненне ў рамках кампетэнцыі кантрольнага ведамства.

КДК Брэсцкай вобласці.